| | بحــرآنـي (آجزاء) |  |
|
|
| كاتب الموضوع | رسالة |
|---|
اميرة البنات
مشرفة شبكة التهاني والترحيبات
المشاركات : 606
تاريخ التسجيل : 08/04/2008
| | موضوع: بحــرآنـي (آجزاء) الأربعاء مايو 21, 2008 8:57 pm | |
| ســ،،ــلآم عليكــم أخواني وآخواتي !!
آعضاء منتديــآت عشاق ابو هادي
اليـوم وكـل يوم ان شاء الله >>> على حسب ظروف النت
بحــط لكــم قصـة عبــآة عن يومــيات وباللهجــة البحرانيـة
تقـريـبا 17 جــزء
القصـة طبــعآ منقـولة مع بعض التغييرات والتعديلات منـي
يلآ نبــدآ اليوم
الجـــزء الآول
الشخصيات:
محمد(بطلنا) عمره 21سنة, ليلـى17 سنة(( أخت محمد)) ثانوية عامة , علي عمره 27 سنة
(( أخ لمحمد وهو متزوج)) , زهرة 23 متزوجة , هدى 25 سنة متزوجة .
يوم السبت الظهر (الساعة 4:30 )
جاي محمد من الشغل
محمد:اماااااااه
الأم :هاااا وش تبغي يا ولدي
محمد:ابي أعرس
الأم:أشوف طالع لينا بطلعة جديدة , ومن وين ليك البيزات؟؟
محمد:الجمعية ألي بتطلع ليي له
الأم:متفاءل الولد عبالك جم جمعيتك 1500 دينار ما تزوج هادي
محمد:انزين خل أبويي يساعدني
الأم :وأبوك من وينه ليه يا حظي
محمد:بيزات التقاعد له
الأم:وإذا عطاك بيزات التقاعد إحنا من وينه ناكل
محمد:اووووووووووووهو لا تصكينها في وجهي أنا ابي أعرس يعني ابي أعرس
الأم:والله روح قول إلى أبوك ها لحجي
بدخلة ليلـى توها قاعدة من النوم
ليلـى:هااااااا تحشون عليي ها من دخلت سكتون
محمد:قلبي وجهش أنتي الثانية
ليلـى:اسكت انت والي يعافيك معروف بوزك كلش ما ينقط عسل
محمد:شكلش ناوية على سطار
ليلـى:اماااااااااااااااااااه شوفي ولدش متحجج
الأم:ما عليش منه أنتي سكتي ولا تحشرين روحش فيه
ليلـى:اففففففففف هالبيت ما ينقعد وياهم
محمد : ها اماه وش قررتين أحين
الأم:أني والله مالي دخل عندك حجي روح كلم ابوك
ليلـى:عن ويش؟؟
محمد:اقوليش انتين حدش فضولية عمرش ما بتصيرين عاقلة
ليلـى(( وهي قايمة عن الكف لا ينطبع في خدها)): ويه عشتووووو ماااااااااااالت عليك
وتركض مريم صوب حجرتها ودخلت وفتحت النت وبطلت المسنجر
(( ليوووووووول الحلوة)):هلا ام عباس شخبارش وحشتيني
((جااك الموت يا تارك الصلاة)): عباس رجلش اني مو قايلة ليشلا تناديني بهالاسم وبعدين
وين وحشتش الا من ساعتين مفارقتنش في المدرسة.
(( ليوووووووول الحلوة)):بعد احبش اموت فيش خخخخخخخخخخ
(( ليوووووووول الحلوة)):الا بقول وش غداكم؟؟ احنا غدانا سمج ما تغديت
((جااك الموت يا تارك الصلاة)):حرة غدانا مجبوس دجاج
(( ليوووووووول الحلوة)):يالخاينة قولي تجيب صحن حق بت جيرانهم نامت من دون زحير
((جااك الموت يا تارك الصلاة)):بصراحة ما جه على بالي كسرتين خاطري تبين اجيب ليش احين.
(( ليوووووووول الحلوة)):وش الفايدة احين وش رايش نروح البرادة نشتري لينا خرابيط اجباس وكاكوات ,,بس أخاف أمي ما ترضى
((جااك الموت يا تارك الصلاة)):انزين خلي اخوش يشتري حقش
(( ليوووووووول الحلوة)):ونعم الأخوان كل واحد من أقوله شئ قالي حاظر تأمرين امر,, مسود الوجه ما يرضى عمره ما طاوعني في شئ خليها الطابة مستور
وتمت ليلـى في الماسنجر تسولف لين الأذان طلعت تصلي,,
ليلـى في الحمام تتمسح والباب مبطل,,
وطاف عليها أخوها محمد وتطفر عليه الماي عن مزحة
الاخ محمد سكت,, استغربت ليلـى تقول الله يهديه
ما لحقت تتطلع من الحمام والا قلاص الماي في الوجه
ليلـى: هااااااااااااااااااااااااااااااا بسم الله
محمد :هههههههههههههههههههههههه عشان تتعلمين الادب ويا هالوجه
ليلـى: حمااااااااار ومدت لسانها طلعته من بوزها
محمد:مشكلة الجهال
ليلـى: الجاهل انته ويا هالوجه
محمد:ذلفي ذلفي صلي
ليلـى: صلى الله جوفك قوم انت صل مو بعدين بتقول صليت
وتروح ليلـى عنه تصلي وبعد ما كملت صلاة راحت الحوش إلى أمها وكان محمد قاعد((الأم تشرب قدو))
ليلـى: اماه اماه
الأم : هاااا
ليلـى: وش العشى
الأم:والله مادري متحيرة وش تبغين؟؟
ليلـى: امممممممممممممممممممم نبي معكرونة
محمد:لا والي يعافيش خلصوا العشيات ما نبي معكرونة
ليلـى: لا والله مو على كيفك
محمد :لا على كيفش انتي ,, اني عندي سؤال ابي اعرف ليش البنات كلها تحب المعكرونة وش السر!!
ليلـى (تسوي روحها جادة) تبي تعرف السر؟؟
محمد: ايييييي
ليلـى: جيب ادونك
محمد ( قرب ادونه))
ليلـى( تحط بوزها في ادونة)) بووووووووووووووووووووووووووووووووووو وتصرخ في ادونه
ويلحق وراها وتركض حجرتها
ويشخشخ الباب عليها
محمد :بطلي الباب احسن ليش
ليلـى: (( احين تقول اني يعني بنحبس في الحجرة وتفكر)) انزين ببطل بس أخر مرة لا تسوي فيني شئ ها,, بكوي ليك ثيابك مال الشغل
محمد :اوكي (( يضحك Jوعلى وجهه علامات الانتصار))
ليلـى: يعني آمان أبطل؟؟
محمد:بطلي
ورجعوا إلى أمهم مرة ثانية
الأم:أشوف انتهت المعركة بصلح اليوم
محمد:أي عقدنا هدنة أنا وياها
الأم:الله يهديكم
ويرن تلفون البيت وتشقحليول ركيض على التلفون
محمد :أي قامت بتلكو
ليلـى: ههههههه
(( وتشيل التلفون)) شافت الرقم وعرفته
ليلـى: لا يمكن الاتصال حاليا بالرقم الذي طلبته ,, ذا نمبر يو كولينغ كانوت بي اكست
زهرة: تكلمي عدل ويا هالوجه تلفوني ما فيه فوجار
مريم: انزين وش تبغين؟؟
زهرة:وين امي؟
ليلـى: ليش وش صاير شتبغين فيها؟؟
زهرة:وش هالحشرية الي ما بتجوزين عنها
ليلـى: إن شاء الله اللحين بسكر في وجهش محترمتنش لأنش ضيفة على التلفون
(( وتفكر انها تنقعها على التلفون تضربها خيانة فيها وبعدين نجفت))
ليلـى: اماااااااااااااااااه بتش تبغيش على التلفون
الأم: انزين
وتأخذ الأم التلفون من عند ليلـى وتتكلم
الأم:الو
زهرة:هلا أمي شخبار
الأم:بخير والحمد لله شخبارش أنتين
زهرة: ماشي الحال
الأم :ها وش تبغين
زهرة:أماه فشلتيني يمكن بس ابي اسال عن احوالش
الأم:أنتين ما تتصلين وتخسرين تلفون الا حق شئ
زهرة: خخخخخخخ( متفشلة) باجر بنجي نتغدى أني ورجلي وش بتسوين الغدى
الأم:وش تبغين
زهرة:امممممم سوي دجاج وعيش بدون حمصات
الأم :اوكي
زهرة:يالله مع السلامة
وتسكر الام التلفون وتروح وتقعد على القدو في الحوش
ليلـى: ها اما وش تبغى فاطمة منش
الام:تقول باجر بتجي هي ويا رجلها تتغدى وتسال وش بسوي الغدى
ليلـى: و ان شاء الله وش بتسوين الغدى
الام:قالت تبغى دجاج وعيش بس بدون حمصاات لان رجلها ما ياكل حمصات
ليلـى: لا والله واحنا شناكل حتى نغرم مالينا كار
الام:انتون بسوي ليكم فيه حمصة
ليلـى: أي عبالي بعد
محمد: أي لو احنا انجان ما سوت لينا بس لانه حق رجل بتها
الام:غيورين
محمد:صح لو لا
الام:والله على حساب بتي
محمد:بنشوف احنا لين تزوجنا عماتنا يسون لينا جدي
الام:انزين عن هالهرار قوم روح اشتر خبز حق العشى
ليلـى: ها ليش الخبز جه ما بتسوين معكرونة
الام:لا ما يمدي اسوي معكرونة احين باجر
محمد:ويه فشلوها اماه سوي بلاليط
ليلـى: لا والي يعافيش اماه لا تسوين بلاليط سوي فاصوليه اهون
الام:بلاليط مو عشى هذا يجعم بسوي فاصوليا اليوم
ومحمد بطلعة الروح راح يشتري خبز وقاعد يتحرطم بعد,,
وسوت الأم العشى وتعشو وبعد ما كملت العشى ليلـى و محمد راحوا يطالعون فلم أجنبي في ام بي سي تو ومسوين المحل ضلام ولما كمل الفلم
محمد:ليلى
ليلـى: ها
محمد :باجر عندي موضوع وياش
ليلـى: اوه من متى تصير عندك وياي مواضيع في تطور
محمد:ها تبيني اهون
ليلـى: لا والي عافيك انزين قوله احين
محمد:لا ما يمدي بروح انام باجر عليي شغل
ليلـى: : افففففف يعني لازم تحمسني
محمد:تصبحين على خير
ليلـى: وأنت من اهله احلم فيني عاد ها
محمد:انجان تبيني اتخرع
ليلـى: افا
محمد:يالله بلا افا تسوين روحش تكسرين الخاطر باي
وقامت راحت ليلـى تنام واهي تفكر شنو الموضوع ألي يبيها فيه
ولا جاها نوم تقول في قلبها إن شاء الله عاد موضوع يستحق تفكري عليه الله يستر
يا ترى شنهو هذا الموضوع؟
اذا تبون تعرفون شنو الموضوع انتظرواالجزء الثاني
آتمنــــى نــآل إعجبــآبكم الجزء الاول
ووتفــآعلــون معـآي علشان آتابـع تنـزيل القصـة
واذا ماشفــت تفــآعل بحذفـ القصـة
تحــيــآتي
آختكــم | |
|
| | |
علاوي الصغير
عاشق ذهبي
المشاركات : 761
تاريخ التسجيل : 10/03/2008
| | موضوع: رد: بحــرآنـي (آجزاء) الخميس مايو 22, 2008 10:13 am | |
| شكراا على القصة الرائعه
وننتظر باقي الأجزاء
موفقة انشالله | |
|
| | |
اميرة البنات
مشرفة شبكة التهاني والترحيبات
المشاركات : 606
تاريخ التسجيل : 08/04/2008
| | موضوع: رد: بحــرآنـي (آجزاء) الجمعة مايو 23, 2008 3:26 am | |
| مشكور اخي على مرورك
الجـــزء الــثــآني
اليوم الثاني الساعة ست الا عشر دقايق صباحا
محمد راح الشغل ومريم بعدهي نايمة
الام: مريم مريووووووووم قعدي لبسي للمدرسة
مريم: انزين بعدهي وقت
الام : أي وقت الباص يجي ست وثلث وانتي لحين نايمة
والله تبينه يطوف عنش وبعدين بتقولين هرب
مريم: افففف يالله صباح خير
الام: قومي لا بقلاص الماي عليش احين
مريم: اني اعرف تيمي متى اقوم الساعة ست باقي عشر دقايق لا تروحينهم عليي
الام: والله في الطقاق بعدين ما بدور ليش سيارة توديش ابوش توه جاي من الشغل
وراحت الام عن بتها ويوم جت ست بالضبط رن تلفون مريم وقعدت بخمول وكسل اهي طبعا تسبح من الليل لان ما عندها وقت ,,دخلت الحمام خمس دقايق ووالعشر دقايق الباقية لبست ومشطت شعرها وسوت كل شئ وتوجهت للمدرسة
في المدرسة من الصبح قبل لا يدق جرس المدرسة البنات في الصف
منى( زميلة مريم): مريوم
مريم: هاا
منى: سويتين واجب الاكاونت
مريم: وييييييييييييييييييييه ما سويته نسيت
منى: من متى اصلا انتي تسوين شئ في بيتكم
مريم: احين جيبي دفترش بلا كلام فاضي لا يودي ولا يجيب
منى: لحظة
وعطت منى مريم الواجب وحلته وارتاحت
((مريم طالبة ممتازة وذكية بس عيبها ما تحب تتعب روحها في الدراسة تعتمد على شرح المعلمة))
الظهر رجعت مريم من المدرسة وشافت اخوها محمد قاعد يم التلفزيون
مريم: سلام
محمد:عليكم السلام
مريم: اووووه شصاير راجع اليوم من وقت من الشغل لهلحد مو قادر تصبر تبي تقول الموضوع
محمد: لا عيوني اليوم مافي اوفر تايم
مريم: اها زين راحة له
محمد: أي راحة أي بطيخ الشهر ده كله مافي اوفر تايم يعني معاشي بجي حده بدة حق الجمعية
مريم: اها انت كم تدفع للجمعية
محمد: 150 دينار
مريم: بووووووووو وانت معاشك 150 من وين تاكل من وين لك حق بترول ووووو الخ
محمد: شنسوي ربش كريم
مريم: يالله توكل على الله,, بروح اني ببدل ثيابي وبصلي وعلى الغدى قولي الموضوع
محمد: اوكي
مريم: الا بقول وين امي؟
محمد: منبطحة في حجرتها
مريم: وش الغدى؟
محمد: دجاج
مريم: جت فاطمة وزوجها تغدو؟
محمد:أي جو اظاهر وراحوا بعد الغدى
مريم: اها اوكو سي يو لتر
وراحت تبدل وتصلي وبعدين نجبت غدى ليها ولمحمد وعلى الغدى
مريم: يالله استاز محمد(( استاذ محمد))
محمد: شنو يالله
مريم: اوهو لا تنرفزني
محمد: انزين انا بت الحلال امس مو كلمت امي عن اني ابي ازوج
مريم: أي والمطلوب مني
محمد: عاد ابيش انتين تدورين ليي بنية حلوة وزينة حق اخوش المحترم
مريم: من صجك انت
محمد: لا امزح وياش عجل ,, اكيد من صدقي
مريم: شلون بتعرس وانت ما عندك بيزات هذا عرس مو لعبة
محمد: بتطلع ليي جمعية
مريم: انزين شنو هالجمعية كلها الف وخمس امية هذي حدها مهر وضيفة وحفلة الخطوبة والبنية من تملج عليها مصاريفها عليك من وين بتجيب هذا
محمد: اقدر
مريم: وين تقدر وانت ما تشوف راتب الشهر دة كله حق الجمعية من وين تاكل انت عشان تاكل بت الناس وياك وتصرف عليها
محمد: ربش كريم
مريم : لا عيوني انت تفكيرك في الزواج سطحي وثانيا اول شئ سو ليك محل انت راس مالك في البيت حجرة حتى بدون حمام
محمد: اففففففففف لا تعكرين مزاجي
مريم: لاني اقول الصج مو؟
محمد:ادري كلامش صح بس لو بتابع هالاشياء عمري ما بتزوج
مريم: انت استقر في شغلة و ثبت روحك اول وبعدين فكر
محمد: والمطلوب
مريم: اصرف النظر عن الزواج احين لين ما تكون روحك شوي
محمد: انا ادري ما بقدر اكون روحي
مريم: ليش ما تقدر تكون روحك اكو اخوك كون روحه شوفه عمره كم 27 شوفه وش سوى,,قبل اشتغل عااامل في شركة وجمع وجمع ما غرته مغريات الدنيا وسوا ليه شقة واشترا ليه سيارة,, وبعدين الله وفقة واشتغل في الحكومة واشترى ليه ارض وتزوج والحمد لله عايش
محمد: هذا غير وانا غير
مريم: شنو الفرق بينك وبينه ما في فرق الا ان اهو يجود البيزات وانت تلعب فيها
محمد:رجاء لا تقارنين بغيري اذا تبين تقارنين طالعي الاوادم اكو فلان ابوه سوا ليه شقة وفلان ابوه ساعده
مريم: ويعني ابوي مقصر وياكم؟؟
محمد: انا ما قلت مقصر بس
مريم: بس شنو؟؟ ابوي الي يقدر عليه يسويه واهو تقاعد شتبغي منه استح شوي
محمد: اوكي بس خلاص هونت
مريم: احسن
وقام محمد غسل أيده وراح حجرته يراجع حساباته
ومريم راحت تريح شوي
في حجرة محمد
انبطح وقعد يفكر
(( ليش انا بس الدنيا متوقفة عندي ليش اناو انا وانا...........))
لا الاخ راح في سبات عميق نام وترك الدنيا ورى ظهره
تـــــــــــــــآبعوني في آلجــــزء الثـــــــ3ـــــآلث ..!
آن شاء اللهـ نآل إعجــآبكمـ ..! | |
|
| | |
عاشق المالكي
نائب المدير العام
المشاركات : 332
تاريخ التسجيل : 24/04/2008
| | موضوع: رد: بحــرآنـي (آجزاء) السبت مايو 24, 2008 5:46 pm | |
| | |
|
| | |
القيصر الحزين
مشرف شبكة الإستراحات و القصص والروايات
المشاركات : 252
تاريخ التسجيل : 06/05/2008
| | موضوع: رد: بحــرآنـي (آجزاء) الأحد مايو 25, 2008 4:47 pm | |
| مشكورة اختي على القصة
وفي انتظار الباقي | |
|
| | |
علاوي الصغير
عاشق ذهبي
المشاركات : 761
تاريخ التسجيل : 10/03/2008
| | موضوع: رد: بحــرآنـي (آجزاء) الأحد مايو 25, 2008 7:20 pm | |
| شكراا على القصة الرائعه
وننتظر باقي الأجزاء | |
|
| | |
ali
المشرف العام
المشاركات : 362
تاريخ التسجيل : 13/02/2008
| | موضوع: رد: بحــرآنـي (آجزاء) الثلاثاء مايو 27, 2008 2:38 pm | |
| | |
|
| | |
اميرة البنات
مشرفة شبكة التهاني والترحيبات
المشاركات : 606
تاريخ التسجيل : 08/04/2008
| | موضوع: رد: بحــرآنـي (آجزاء) السبت يونيو 07, 2008 6:46 pm | |
| السموحهـ عالتــآخير
شكرا اخواني واخواتي على تفاعل معي
الجزء الثالــــ3ــث:
العصر الساعة خمس
قعد محمد من النوم على إزعاج في بيتهم ويوم طلع
إلا خواته المتزوجين اهني ويا اولادهم
في الصالة
هدى وفاطمة يسولفون
هدى : بتجين وياي سوق واقف المغرب؟؟
فاطمة: مادري إذا زوجي ما بيجي إلا الليل بجي وياش
هدى: اتصلي ليه شوفي
فاطمة: بعدين ,, احين لين عرفت مريوم بتنقهر أنش قلتين ليي روحتين عليها طلعة
هدى: خخخخخخخ إلا هي وينه
فاطمة: منجعسة
هدى:اها تبيني أقومها من النوم أهي حق الهيامة فالحة
وراحت هدى إلى مريم
هدى: مريم قومي انجان بتجين وياي سوق واقف
(( وتسوي روحها تلبس))
مريم: ها سوق واقف
هدى: أي بسرعة قومي انجان بتجين اكو أني لبست ما بنتظر
مريم:أنزين بس صبري اغسل وجهي والبس
هدى: يالله اكو انتظرش في السيارة
مريم: أنزين بس مو تعجليني ضرب هرانة تزعجين الفريق
هدى: بسرعة بسرعة
وراحت هدى انخشت المطبخ
قامت مريم بسرعة ووجها مخفس من النوم وشعرها منشور
ودخلت الحمام,, واهي في الحمام طلعت هدى من المطبخ
ومريم سمعت ضحك عرفت انه مقلب من مقالبهم السخيفة
عشان يقعدونها من النوم بس انقهرت,, وطلعت من الحمام
وهي مو مفيستنهم وهم يضحكون عليها
راحت المجلس وقعدت تطالع التلفزيون لين ما أذن
بعدين فاطمة وهدى راضو مريم وودوها وياهم سوق واقف
ورجعوها وكل وحدة راحت بيتهم
وما صار شئ محرز هاليوم ونامت الساعة وحدة الليل
وطاف هالاسبوع ما صار فيه أي شئ غريب عن الروتين
اليوم الاربعاء في المدرسة(( في الفسحة)) مريم وربعها
مريم: يالله اليوم على من الي يشتري
زينب: اليوم على صديقة
صديقة: لاا والله اول امس اني مشترية ليكم اليوم مو عليي
زينب: انزين اني امس مشترية مو عليي
صديقة: اني مو قصدي انتين اليوم على ناس قاعدين وساكتين يعرفون روحهم
زهراء: هههههههههههههه اففففففففففف متمللة ادش
مريم: يالله يالله دشي اني ابي كوك ( كولا) وطعمية وكاكو وجبس
صديقة وزينب: احنا بعد نفس الشئ
مريم:يعني كلنا نفس الشئ ما بنتعبش
زهراء: شنسوي يالله نقوم
مريم: اوكي احنا بنروح مكانا وانتين جيبيه ليي
زهراء : اوكوش
وراحوا قعدوا وجت زهراء بعد شوي ,,وهم قاعدين ياكلون
مريم:الااااااااااااااااي اليوم الاربعاء حليو
زهراء : ليش
مريم: اولا اخر يوم دراسي فانتاستك
>بس تبدلت الحين الدوام لول<
وثانيا الليلة فلم هندي
زينب: أي اشوة ذكرتيني عن الفلم الهندي اني شايفة مقاطع
تدرون بطولة من ؟
مريم: بطولة من ؟
زينب: شاروخان وآشوريا راي
مريم:واااااااااااااااااااااو ان شاء الله ديفداس
زينب: والله ما اعرف اسمه بس شكله حليو
مريم:خخخخخخ زينب عاد أنتي كله تقولين ليي
شبيحطون وفي الأخير أنتي تنسين واني أطالعه
زينب: أي والله اكل الجبن وما يسوي
مريم وصديقة وزهرة: خخخخخخخخخ تعترف انها
تاكل جبن واجد
ودق الجرس وقاموا توجهوا للصفوف
صديقة: اوهو احين علينا بنك
مريم: احلا شئ كله سوالف
صديقة: وااااااااااااع ما اشتهيه
ودخلوا الصف وكل وحدة متعايره ووقت الهده توجهوا للباصات ورجعوا بيوتهم,, وسيدة دخلت مريوم النت تتصفح في المنتدى الي مشاركة فيه..
تـــــــــــآبعوني في آلجــــزء الــــــرآبــــ4ــع ..!
آن شاء اللهـ نآل إعجــآبكمـ ..!
تحــيــآتي
آختكــم في الله
مشيمعيه للأبد | |
|
| | |
عاشق المالكي
نائب المدير العام
المشاركات : 332
تاريخ التسجيل : 24/04/2008
| | موضوع: رد: بحــرآنـي (آجزاء) الجمعة يونيو 13, 2008 3:31 am | |
| شكراً اختي العزيزة على التغظية ..
واتمنى منكِ التواصل في تكملت باقي الأجزاء .. | |
|
| | |
عاشق أبوهادي
المدير العام
المشاركات : 736
تاريخ التسجيل : 12/02/2008
| | موضوع: رد: بحــرآنـي (آجزاء) الجمعة يونيو 13, 2008 5:14 pm | |
| موفقه اختي .. وتقدمِ الى الأمام | |
|
| | |
ali
المشرف العام
المشاركات : 362
تاريخ التسجيل : 13/02/2008
| | موضوع: رد: بحــرآنـي (آجزاء) السبت يوليو 19, 2008 5:17 pm | |
| | |
|
| | |
اميرة البنات
مشرفة شبكة التهاني والترحيبات
المشاركات : 606
تاريخ التسجيل : 08/04/2008
| | موضوع: رد: بحــرآنـي (آجزاء) السبت يوليو 19, 2008 10:53 pm | |
| اسفة هذه القصة انتقلها من منتدى لاكن المنتدى غلقوه
يعني مااقدر اكملها | |
|
| | |
عاشق المالكي
نائب المدير العام
المشاركات : 332
تاريخ التسجيل : 24/04/2008
| | موضوع: رد: بحــرآنـي (آجزاء) الأحد يوليو 20, 2008 12:59 am | |
| - اميرة البنات كتب:
- اسفة هذه القصة انتقلها من منتدى لاكن المنتدى غلقوه
يعني مااقدر اكملها إذاً سيتم غلق المضوع .. | |
|
| | |
| | بحــرآنـي (آجزاء) | |
|
