شعر عن المعاش وحالة البحرين الكسيفة ..

تلاحقني القروض بكل بقسوة

وتجتمع البلاوي فوق صدري

ويرفسني المعاش بكل قوة

ويضحك حينما أجري ويجري

نلاحق بعضنا.. فأراً وقطوة

ويشبه حالنا توماً وجيري

***

يقول راتبي: خذني وحلق

والا لن تراني أو أراك

فقلت تعال خذ مني مقصاً

يقلقص كل فلس في هواك

ولن تقوى على الطيران بعداً

اذا الأقساط ذابت في مناك

فأنت الحب آخر كل شهر

قصير العمر والحزن نعاك

***

يناديني صغاري وين بابا

اليس لنا مجالاً لو دقيقة؟!

فوعد منك قد طال انتظاره

سنذهب للمجمع والحديقة

وما شفناك إلا مكفهر

على البيزات صاير كالحريقه

فقلت دعوا أباكم يا صغاري

فلم يهنأ له يوماً ريوقه

فلا السمبوس يصلح لي ولكن

سآكل من غدي خبزاً رقيقا

وما تدرون إن القسط ويل

يزيد كشتي شيباً عميقا

***

ولكن أبشروا إني معاكم

سنذهب للتنزه في الزريبة

ونسعد حينما نطعم حماراً

ونمسح بطةً بيضا لبيبة

ونضحك حينما تلتف عنزة

فترقص رقصةً حلوة عجيبة

ولا دينار تبغي أو تذاكر

كأن العنزة تعلم ما المصيبة

ولكن للمجمع.. سامحوني

فوجهي صار مخفوس بضريبة!

***

يا بابا جيب شربت أو قواطي

حليب أو درزن البيض وتطمن

وما يحتاج للأبراج نذهب

ولا جاسميز نتعشى.. ونمتن

ترى العشيات في البيت شحلاها

رخيصة وما نغطيها بمعدن

ولكن يا الأبو ودنا الحديقة

ترى بتموت من حسرتها سوسن!

***

ورحنا للحديقة يا جماعة

والله يعين من يتعني مجبور

ترى النفيش صارت ليه مكانه

وعليه الناس مصطفه بطابور

اظن بنص سعره والله معقول

سوا في العيد أو في وقت عاشور

ولكن الحقيقة مو بكيفي

ترى النفيش صار بسعره مشهور

وطلعنا من الحديقة والا واقف

مرور يقول ليش واقف على السور!

بتدفع هالغرامة يعني تدفع

ولو طالت عليك سنين وشهور

وشافوا دمعتي عيالي بخدي

وقالوا بابا والله.. ندري معذور

عليك ديون متجمعة في خيشة

وعليك أبيال وانته ندري طرطور

معاشك مال واحد فري فيزا

والله يعين من يشتغل ناطور

وتوعدنا بعد تشتري فيلا

وبنسافر بعد 'كوالالامبور'؟

يا بابا روح احرق لك سلندر

وخل هالحرة تطلع منك تثور

واذا سجنوك يا بابا بخيانة

فلا تبالي وراك آساد ونمور

واذا فنقشت من شفت الكيابل

بنطلع لك مسيرة: مات مقهور

تسلم اخوي على ماكتبته يداك الرائعه

كلمات في كل قلب شيعي مظلوم

يا بابا جيب شربت أو قواطي

حليب أو درزن البيض وتطمن

وما يحتاج للأبراج نذهب

ولا جاسميز نتعشى.. ونمتن

ترى العشيات في البيت شحلاها

رخيصة وما نغطيها بمعدن

ولكن يا الأبو ودنا الحديقة

ترى بتموت من حسرتها سوسن!

احسن وحده

تسلم ياغالي على ماكتبته يداك الرائعه

يا بابا جيب شربت أو قواطي

حليب أو درزن البيض وتطمن

وما يحتاج للأبراج نذهب

ولا جاسميز نتعشى.. ونمتن

ترى العشيات في البيت شحلاها

رخيصة وما نغطيها بمعدن

ولكن يا الأبو ودنا الحديقة

ترى بتموت من حسرتها سوسن!

صدق احلى وحدة

مشكور اخوي على ماكتبتة تسلم اخوي

ههههههههههههههههههه

تسلم مديرنا على الشعر الرائع

خخخخخخخخخخخخخخخخخخ وايد حلوه